Бiздiң сайтымызға қош келдiңiздер!

Қостанай облысы әкімдігі мәдениет басқармасының «Тарихи-мәдени мұраны зерттеу, реставрациялау және қорғау орталығы» КММ   Қостанай облысы әкімдігінің 2021 жылғы 26 наурыздағы №135 қаулысы негізінде құрылды.

Мемлекеттік мекеме қызметінің мәні- тарихи-мәдени мұраның сабақтас дамуына бағытталған  қоғамдық қатынастарды реттеу  болып табылады.

Қостанай облысының аумағында 1900 тарихи-мәдени мұра ескерткіші орналасқан. Оның ішінде: 1245 археология ескерткіші, 57 қала құрылысы және сәулет ескерткіші, 573 монументтік  өнер құрылысы, 25 киелі объект. Оның ішінде: республикалық маңызы бар – 5, жергілікті маңызы бар – 1324, алдын ала есепке алу тізімінде 571 объект.

Қазақстанның киелі жерлерінің картасына Қостанай облысының аумағында орналасқан 39 объект енгізілген, оның ішінде жалпыұлттық маңызы бар - 10, өңірлік маңызы бар - 29.

Жыл сайын «Мәдени мұра»  өңірлік бағдарламасы шеңберінде археология ескерткіштерінде барлау, қорғау-құтқару жұмыстары жүргізіледі. Мақсаты – ескерткіштердің сақталуын қамтамасыз ету.

Сонымен қатар, мекеме қызметінің басым бағыттарының бірі- оқушылармен және студенттермен тақырыптық экскурсиялар, сабақтар мен дәрістер өткізу арқылы тарихи-мәдени мұраны дәріптеу  болып табылады; БАҚ-та жарияланымдар жариялау,  тарих және мәдениет ескерткіштерінің техникалық жай-күйін бақылау.